اولاد اليوم …والتجنيد الاجباري
بقلم : يوسف اسكور /
دق ..دق .. شكون
واحلي هدا المقدم عبيبيس
كولي لولدك داك البيكيص
اوجد راسو لسربيس
ينسى الواتصاب والفيس
باش يوقف عل الحدود
حارس ياكل العدس
ويمشي عل الغيس
ينسى الدجين متقوب
والتشويكة والتفلعيص
م يبقاش مبورش بحال الفليليس
قولي ليه ينوض يجمع راسو
هدا راه التجنيد الإجباري
ماشي لعب الدراري .
واسي عبيبيس
ﻻ عاد اولدي غير دوه
بحالو بحال بوه
الخبزة كلاوها والبراد شربوه
العدو محال يحبسوه
هد الوطن احنا نحبوه
و وﻻد اليوم غادي غير يخربوه
لا كاين شي كلام يزوقوه
وﻻ لحمهم يوشموه
وﻻ شي سروال يتقبوه
ولا شي واحد يكريسوه
أما التجنيد …
راه باغي رجال لي يحمو الوطن ويحرسوه .