يوسف اوسكور /
جوعي في كرشي ، اوعنايتي في راسي
وفييينك يا الحولي، الدراري صدعوني في راسي
فين نصد ، عدمن نمشي
الجيب خاوي او لعظم راشي
النفس خايبة اوحتى لين هادشي
شكون يعطيني ، شكون اسلفني
حتى انا باغي نمضي المقدة والجنوي
ونقول شريتو صردي وثني
حتى انا من حقي نفور على الكتف
وللراس نشوي
سمعت شي وزين كيفرق الصردي
كلت نمشي ، ايييه نمشي
مشيت ملگيت لا سربيس لا بلاتي
دخلت ..اش بغيتي ؟
بغيت حولي نعم اسي !
فاش خدام ؟ اش دير ؟
قلم ماجور تزوق لكلام وتقاد السطور
نقابي كلامو محظور ولا سياسي مغمور
تعرف تنافق او تكون مغرور
ياك ما جمعية شعارها التنمية والتطور؟
انا مخدامش غير شومور
راني من دخانكم مضرور
ههه وسييير هداك غير بخور
والحولي ايدوه سيادك
اما انت سير حفر قبرك وسط القبور
الله الله ياربي الله
وسط مدينيي وليت مقهور
قاري او شمور
لا خدمة لا حولي لا مطور
نشم او ساكت محگور
رجعت نصيح وسط الدروبة او نقول
باع…باع…باع…
