ملي كتدخل لمركز الترويض داخل مستشفى محمد الخامس بآسفي ، كتحس بأن هاد المركز مملكة بوحدها وممحسوباش على البسيطار .. لي خدام تم كي شوف فيك بحال إلى جاي عندو الفيرمة ..
وأما واحد السيدة دايرة الوقت راسها مكتجي حتى 11 ديال النهار وقاليك كتمشي مع مع 1h الوحدة أي ساعتين باركة عليها الله يخلف على الوزارة لي كدوز الصالير في الشهر من فلوس هاداك المواطن لي كيعاني النهار كامل وهو كيتسنى فيها ، وفي الأخير مفتحاتش البيرو وتخبات في بيرو آخر لا استقبال لا والو ..
هاد المركز خسرت عليه وزارة الصحة الزبابل ديال الفلوس بأحدث المعدات ودشنو العامل الفطاح باش يستافد منو المواطن البسيط لي مايقدرش يخلص في المراكز الخاصة .. ولكن فيناهو لي غادي يخدم المواطن وشكون كيراقب العمل ومواقيت هاد الناس ..لي هضرتي معاها كيقول ليك أنا مخدامش عند المدير ولا الإدارة أنا تابع للوزير عاد كاينة الكالة والإنتماءات شي مضرگ على شي حتى مول شي والمواطن هو الضحية ..
وخا دير سبيطار وتجهزو بأحدث المعدات إلا معندكش ناس فيهم الحس الوطني والضمير المهني ومعندكش الصلاحيات باش تراقب العمل ديالهم ، راه مدرتي والو والمجهود ديالك كيتبخر ..
هذا دون أن نعمم لأن هناك أطر طبية وإدارية تعمل بضمير مهني رغم إكراهات الإكتظاظ وكثرة المواعيد ..
