بقلم الزجال يوسف أسكور/
تيريرا …تيريرا ..
هذا عام البغريرة
وزارة المسمن والحريرة
فضح ليهم الله السريرة
مخططات شريرة
هد القراية وﻻت خطيرة
من ولى فيها ….
المسمن وبريوة والبغريرة
ياه على قراية ك وﻻت دايرة
مقررات تعلم …
الجهل والكريساج والتشمكيرة
تلاميذ مكلخين آش تسنى منهم
يولي غير ….
يبيع المسمن ولا المخمار وﻻ الحريرة
مابقى مايتكال غير …
الله يرحمك أبو بكماخ وتلاوتك الصغيرة
خرجت …
مهندسين وأطباء ومعلمات ومديرة
حروف أبجدية وقصص مثيرة
ماشي بريوة وبغريرة
أسمعني ياسعيد وياكبيرة
سير تعلم شي صنعة زينة …
كول من الگاعة وشرب من الغديرة
اللهم أمي ….!!
وﻻ قاري وجاهل گالباه الخميرة
تيريرا …تيريرا ….
الله يحفض من قراية البغريرة ..
