يبدو أن المصحة الجديدة بآسفي “أونكراد” داخلة ورافعة شعار عصر واتستنزف جيوب المواطنين لي هي أصلا مهلوكة ، مكتسمع غير خلص فلوس كاش أو حط شيك ضمانة عاد نهضرو معاك ونشوفو المريض ، هاد الناس مقدموا حتى إضافة كيفما رفعوا في الإفتتاح ديال المصحة مكاين غير الأثمنة الخيالية والضمانة هي الأولى ..
قبل شهر تقريبا توفي مسن زائد امرأة في يوم واحد داخل المصحة ..الهالكة في الستينيات من العمر تم وضعها في قسم العناية المركزة والتنفس الإصطناعي لمدة عشرة أيام بعدما طبعا خداو الضمانة شيك ، أسرة الهالكة بقاو كيتسناو أن الوالدة تخرج تتشافا ومعارفين ميديرو إلى أن أخبروهم أنها توفيت ليلا في اليوم العاشر والمصحة معقلتش عليهم طلبو ليهم 10 مليون ..
خاص إعادة النظر في الطريقة لي كتعامل بيها هاد المصحة مع الساكنة ، راه بالوضوح تكتسب السمعة والثقة ماشي ببعض الأساليب لي ولات مفضوحة ..
