الحيداوي تسيير فاشل أوصل الأوسيس الحضيض .. واش غادي يقدم استقالتو قبل فوات الأوان !؟

يجب أن يعلم الحيداوي أن جميع كؤوس العالم لن تشفع له في حالة نزول أولمبيك آسفي للقسم الثاني ..

الرئيس يحصد اليوم نتيجة تسيره الفاشل والخرجات غير المحسوبة “أنا لي درت أنا لي جبت أنا ..” أصبح يختبأ في جلبابه ويهرب من تساؤلات الجمهور فين باقي غادي بهاد الفرقة ؟!

بوادر الأزمة الحالية للفريق ظهرت يوم شتت الحيداوي فريق متكامل ومتجانس فائز بلقب كأس العرش ، الرئيس ركب راسو وبدا يسرح اللاعبين ومن تم بداو الإنتذابات فاقت عشرين لاعب أغلبهم كما تم نعثهم بالكرارس والمعطوبين .. ولي ضايرين بيه كانو كيصفقوا ليه والكل ضارب الطم إلا القليل ..

يحز في النفس أن تشاهد الكساك والعمراني لي جابو كأس العرش لاعبين اليوم مع حسنية أكادير ضد الأولمبيك وفازوا على الأوسبس ب 2-1 ،  الكساك ولد لبلاد وكان باغي غير مبلغ قليل ويبقى ولكن الجشع يعمي البصيرة .. منساوش غيلوف ، مشط ،العلوي و الأصحابي ..وزيد وزيد لاعبين من طينة الكبار تم التفريط فيهم ..

الحيداوي فين باقي غادي بالفرقة واش غادي يقدم استقالتو قبل فوات الآوان وإلا لن يسامحه أحد !؟